„იმედის“ ყოფილი თანამშრომელი შალვა რამიშვილი, ტელეკომპანიისგან ხელშეკრულების გაწყვეტის მიზეზების დასაბუთებას ითხოვს. ამასთან დაკავშირებით დღეს შალვა რამიშვილმა და კომპანია ზენიტის თანამშრომლებმა პრესკონფერენცია გამართეს. როგორც პრესკონფერენციაზე ითქვა, "ზენიტის" 50-მდე თანამშრომელი ოთხი პროექტის დახურვის შემდეგ უმუშევარი დარჩა. მათ მარტის თვის ხელფასი ამ დრომდე არ მიუღიათ.

შალვა რამიშვილის განცხადებით, ტელეკომპანიიდან მისი გაშვება პოლიტიკურად მოტივირებული იყო და ეს გადაწყვეტილება „იმედის“ არაფორმალურმა მმართველმა მიიღო, რომლის ვინაობასაც ის მალე გაასაჯაროებს:

"იმედის" რეალურ მმართველს ძალიან მალე დავასახელებ. ეს არის ჯგუფი, რომელიც თავის პოლიტიკურ თამაშს თამაშობს და პრობლემებს უქმნის, როგორც ხელისუფლებას, ისე - მედიაგარემოს."- განაცხადა შალვა რამიშვილმა.