,,ჩემზე რა ჩანაწერია, ეს ცალკე თემაა” - რას უკავშირდება შალვა რამიშვილის ,,იმედიდან“ გაშვება

საზოგადოება - 15:43, 06 Apr, 2016

16963

უკვე რამდენიმე დღეა გავრცელდა ხმა იმის შესახებ, რომ თათია სამხარაძე, იგივე ტასო ბარნოვა, „ილო ბეროშვილის შოუდან“ გაუშვეს. მიზეზად კი მედიაში მოიაზრებოდა „სხვა რაკურსში“ მასსა და გივი სიხარულიძეს შორის დაპირისპირება. სანამ ეს ამბავი მიმოხილვის პროცესში იყო, სოციალურ ქსელში გამოჩნდა შალვა რამიშვილის სტატუსიც, რომელიც საზოგადოებას ამცნობდა კიდევ ერთ მოულოდნელი ამბის შესახებ: „მეგობრებო, "იმედთან" ჩემი საქმიანი ურთიერთობა დასრულდა!

დღეს იმ კომპანიამ რომელიც "იმედის" დაკვეთით ამზადებს "ილო ბეროშვილის შოუს", "ერთხელ საქართველოში" , ეთერში ჯერ არ გასულ სერიალს "2 გოგოს" უზრუნველყოფს ჩემს მონაწილეობას გადაცემა "პოლიტიკაში" "იმედისაგან მიიღო წერილი რომ ყველა ხელშეკრულება შეჩერებულია. მიზეზი ახსნილი არ არის.

შესაბამისად ამ პარასკევს მე ვერ წავიყვან თეონასთან ერთად "პოლიტიკას" . კვირას ვერ გავა "ილო ბეროშილის შოუ" , ჩერდება გადაღების პროცესში მყოფი ახალი სერიალი.

ვაპირებ ვითარების გარკვევას“.

მართალია ეს ორი ამბავი თავიდან ერთმანეთთან არავის დაუკავშირებია, თუმცა გაჩნდა კიდევ ერთი ვერსია, რომელიც წყარომ „ნიუპოსტს“ უამბო. როგორც წყარომ აღნიშნა, შალვა რამიშვილის საქმიანი ურთიერთობის დასრულებას „იმედთან“ და ყველანაირი ხელშეკრულების გაწყვეტა, სწორედ თათიას და მას შორის პირად საუბარს უკავშირდება. დაუზუსტებელი ინფორმაციით არსებობს ამ საუბრის ჩანაწერიც. ამ ინფორმაციის მიღების შემდეგ, რა თქმა უნდა, გადავწყვიტეთ ორივე მხარეს დავკაშირებოდით და გადაგვემოწმებინა ფაქტი ჩანაწერის შესახებ. პირველად თათიას დავუკავშირდით, რომელმაც კითხვის დასმამდე გვიპასუხა, რომ ამ თემაზე კომენტარს არ გააკეთებს. როგორც ავღნიშნეთ, ჯერ კიდევ არ გვქონდა ნახსენები ფარული ჩანაწერის არსებობა, როცა კითხვა დავაკონკრეტეთ, რა თქმა უნდა, პასუხი არ შეცვლილა.

კომენტარი ამ თემასთან დაკავშირებით არც შალვა რამიშვილმა მოისურვა.

- შალვა, რამდენად შეესაბამება სიმართლეს, რომ თქვენსა და „იმედს“ შორის ყველანაირი ხელშეკრულების შეწყვეტა უკავშირდება ფარულ ჩანაწერს, რომელიც თქვენთან საუბარში თათია სამხარაძემ მოიპოვა?

- არ გავაკეთებ ამ თემაზე კომენტარს. ჩემზე რა ჩანაწერია ეს ცალკე თემაა. მე მაინტერესებს „იმედის“ ოფიციალური განცხადება, 50 კაცი რატომ გაუშვა სამსახურიდან.

საუბარია „ილო ბეროშვილის შოუზე“ და ასევე დანარჩენ პროექტზე, რომელსაც შალვა რამიშვილი „იმედის“ დაკვეთით ამზადებდა.

დაბოლოს, ფაქტია რომ შალვა რამიშვილსა და თათია სამხარაძის შორის მართლაც მოხდა უსიამოვნება. ამას მოწმობს სატელეფონო ზარი მათთან და ის ფაქტი, რომ არც ერთმა არ მოისურვეს იმ მთავარზე კომენტარის გაკეთდება, რაც მათი დაპირისპირებისა და შალვას „იმედიდან“ დათხოვნის მიზეზად მოიაზრება.

მარიკა ხიდურელი