ბრიტანულმა გაზეთმა "Sunday Times"-მა გამოაქვეყნა გამოძიების მასალები, სადაც ნათქვამია, რომ ლონდონელი ექიმი მარკ ბონარი მრავალ სპორტსმენს, მათ შორის ფეხბურთელებს უწერდა წამლებს, რომლებიც მათ სპორტული მიღწევების გაუმჯობესებაში ეხმარებოდა.

გაზეთის ცნობით, ექიმის პაციენტებს შორის იყვნენ ლონდონური კლუბების ფეხბურთელებიც.

ამ განცხადებას კატეგორიულად უარყოფენ კლუბების წარმომადგენლები.

"არსენალის" განცხადებით, იგი გაოგნებულია ამგვარი განცხადებით, რადგან მას არანაირი რეალური საფუძველი არ აქვს.

"ჩელსი" აცხადებს, რომ მის ფეხბურთელებს არასდროს უსარგებლიათ ბონარის მომსახურებით და არც არასდროს სარგებლობდნენ მსგავსი პრეპარატებით.

"ლესტერი" Sunday Times-ს დაუსაბუთებელი ბრალდებების გამოქვეყნებაში სდებს ბრალს.