უცნაური შემთხვევა დაფიქსირდა შეკვეთილის დენდროლოგიურ პარკში. დილით დაცვის წევრებმა აღმოაჩინეს, რომ ციხისძირიდან წვალებით გადატანილი ხე ტიტა ამოყირავებულია, ანუ ხე უკუღმაა მიწაში ჩარგული.

„ნიუპოსტთან“ საუბრისას დაცვის სამსახურის წევრმა განაცხადა, რომ ძლიერი ბიძგების შემდეგ პარკის დათვალიერება დაიწყო მიზეზის დასადგენად, რა დროსაც მსგავს სანახაობას წააწყდა. მისი თქმით 650 ტონიანი ხის ფესვები ჰაერშია, ტანი კი მიწაშია ჩარგული.

ამ დროისათვის ადგილზე სპეციალისტები არინ მობილიზებულნი, ისინი უცნაური შემთხვევის მიზეზების დადგენას ცდილობენ. საინტერესოა რამ განაპირობა ასწლოვანი ხის მსგავსი ქმედება.

„ნიუპოსტისთვის“ ცნობილი გახდა, რომ უახლოეს საათებში შეკვეთილში დრუიდი ექსპერტები ჩავლენ, რომლებიც ქართველ სპეციალისტებს უცნაური მოვლენის გამოკვლევაში დაეხმარებიან.

დეტალების დადგენამდე, შემოგთავაზებთ ნაწყვეტს „ხაზარულადან“:

„ხაზარულას სიცივისგან შეაჟრჟოლა და თვალი გაახილა, მისთვის უჩვეულო მდგომარეობაში მყოფს ქვეყნიერება წაქცეული მოეჩვენა და გაუკვირდა. ჯერ ყველაფერი იმ წითელ სითხეს დააბრალა, მერე მის გადანაჭერზე ჩამომჯდარი, ნაჯახის ტარზე ნიკაპდაყრდნობილი, მობუზული ბიჭი და თავღია ჭურთან სპეტაკ თოვლში მუხლებზე დამხობილი, ცაში ხელაპყრობილი შავოსანი დედაბერი რომ დაინახა, მიხვდა, ცოცხალი აღარ იყო და ისევ დახუჭა თვალები. დახუჭა სამუდამოდ“

დამატებითი ინფორმაცია იხილეთ აქ