მიმდინარე წლის 5 აპრილის დილის 10:00 საათიდან თერჯოლის მუნიციპალიტეტში, საშუალო წნევის გაზსადენზე აღრიცხვის კვანძების დამონტაჟებასთან დაკავშირებით, ბუნებრივი გაზის მიწოდება შეუწყდება სოფელი თუზის მაცხოვრებლებს.

ბუნებრივი გაზის მიწოდება სამუშაოების დასრულებისთანავე, ეტაპობრივად 8 აპრილის დილის 10:00 საათიდან დაიწყება და სრულად, 10 აპრილის საღამოს 18:00 საათმდე აღდგება.

კომპანია „სოკარ ჯორჯია გაზი" ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.

დამატებითი ინფორმაციისთვის დარეკეთ „სოკარ ჯორჯია გაზის" ცხელ ხაზზე: 16 114 ან ეწვიეთ ვებ-პორტალს www.mygas.ge.