4 თვის დემეტრეს სასწრაფო მკურნალობა ესაჭიროება. ახალშობილს ოპერაცია თურქეთში უნდა ჩაუტარდეს და 90 000 დოლარი სჭირდება.

„ჩემი შვილის, 4 თვის დემეტრეს მკურნალობის გასაგრძლებლად და ოპერაციისთვის, რომელიც საზღვარგარეთ, კერძოდ თურქეთის კლინიკაში უნდა ჩატარდეს, 90 000 დოლარია საჭირო. მივმართეთ, თითქმის ყველა ფონდს, თუმცა უარი მივიღეთ, იმ მიზეზით, რომ დემეტრეს არც ლეიკემია აქვს და არც სხვა სიმსივნური დაავადება. ბავშვის მკურნალობის დაფინანსებაზე თბილისის მერს პირადად შევხვდი და 40 000 ლარის გადმორიცხვას დამპირდა, თუმცა მარტო 25 ათასი დაგვიმტკიცეს, ასევე დამპირდა საგარანტიოს, თუმცა არც ეს არ მომცეს, იქნებ მთავრობამ ნახევარი მაინც დამიფინანსოს, მეორე ნახევარზე კიდევ ვიზამდი რამეს. პრემიერსაც პირადად გავუგზავნეთ წერილი და არც მისგან არ მიგვიღია არანაირი პასუხი. ისანი-სამგორის გამგეობამაც უარით გამოგვისტუმრა. არადა ექიმების მოცემული ერთი თვე უკვე გავიდა. ბავშვს სასწრაფოდ თუ არ ჩაუტარდა მკურნალობა, შემდეგ უკვე შეიძლება ცეროზი განუვითარდეს და არც გადანერგვამ აღარ უშველოს. ჩვენთვის ყოველი წუთი ძვირფასია“, - აცხადებს დემეტრეს დედა.

მისივე თქმით, თუ მთავრობისგან დახმარებას ვერ მიიღებს, აქციების დაწყებას გეგმავს.

დახმარების მსურველებს თანხის გადარიცხვა მითითებულ საბანკო ანგარიშებზე შეუძლიათ:

"საქართველოს ბანკი" GE 65BG0000000309456800

"თიბისი ბანკი" GE38TB7791345065100005