კამპანია „ეს შენ გეხებაში“ ჩართული არასამთავრობო ორგანიზაციები დღეს აქციის გამართვას გეგმავენ. ისინი მთავარ პროკურატურასთან შეიკრიბებიან და პირადი ცხოვრების ამსახველი ფარული ვიდეო ჩანაწერების ინტერნეტ სივრცეში გავრცელების საკითხის დროულ და ეფექტურ გამოძიებას მოითხოვენ. ასევე, საზოგადოების ინფორმირებას გამოძიების მიმდინარეობის შესახებ, დამოუკიდებელი საგამოძიებო კომისიის შექმნას:

„ჩვენი მთავარი მოთხოვნა არის, რომ გამოძიებული იყოს კადრების ატვირთვის საკითხი და პირადი ინფორმაციის საჯაროდ გავრცელების საკითხი, მეორე მოთხოვნა არის მოსმენებთან დაკავშირებული კანონმდებლობის შექმნა, მესამე მოთხოვნა არის დამოუკიდებელი საგამოძიებო მექანიზმის შექმნა“, - განაცხადა ეკა გიგაურმა.