გოგირდის აბანოები შესაძლოა წყლის საფასურის ზრდის გამო დაიხუროს

საზოგადოება - 17:35, 24 Mar, 2016

1694

თბილისის 6-მა აბანომ ფუნქციონირება ერთი დღით შეწყივტა. აბანოების თანამშრომლები წყლის საფასურის ზრდას აპროტესტებენ.

აქციის მონაწილეებმა დღეს გზა გადაკეტეს და ადგილზე დედაქალაქის მერის დავით ნარმანიას მისვლა მოითხოვეს, თუმცა მათ ნარმანიას უწყებიდან არავინ გამოხმაურებია.

აბანოების თანამშრომლების მოთხოვნაა დაუწესონ შეღავათიანი გადასახადი და ჩამოაჭრან ერთი წლის განმავლობაში დაგროვილი დავალიანება.

"ნიუპოსტი" აქციის ერთ-ერთ ორგანიზატორს შპს."ნარიყალას" დირექტორს ნოდარ ტოტოლაშვილს ესაუბრა.

ტოტოლაშვილს კომპანია ჯორჯიან ვოთერ ენდ ფაუერის (GWP) კომერციული დირექტორის ირაკლი ბაბუხარიას განცხადების კომენტირება ვთხოვეთ, რომლის მიხედვითა აბანოების თანამშრომლების ქმედება დესტრუქციულია.

"თუ ეს მიდგომა შეცვლილი არ იქნება, თუ GWP არ გაითვალისწინებს იმას რომ ეს არის სპეციფიური ბიზნესი, და წყლის ეეკონომის ვერ ვაკეთებთ. თუ ტარიფები არ იქნება გადახედილი აბანოები დაიხურება. ამ პრობლემის მოგვარებაში მონაწილეობა უნდა მიიღოს სახელმწიფო სტრუქტურებმა, მერიამ, ტურისმის სააგენტომ, ძეგლთა დაცხვამ და სხვა. სემეკ-მა აუცილებლად უნდა მოისმინოს ჩვენი არგუმენტები"- განუცხადა "ნიუპოსტს" აბანოს დირექტორმა.

კითხვაზე არის თუ არა GWP - ისგან კონკრეტული შემთავაზება ტოტოლაშვილმა თქვა, რომ დღეს არარეალური შემოთავაზებები მოისმინეს.

"ისინი ამბობენ, რომ საპნიანი წყლის გამოჯვნა უნდა მოხდეს. სუფთა გოფირდის წყალი კი მტკვარში უნდა ჩაუშვათ. GWP ამას გვთავაზობს ისე, რომ გარემოს დაცვის სამინისტროს არ ეკითხება, უცნობია რა ზიანს მიაყენებს თევზებს. ამასთამნ როცა ამბობენ, რომ უნდა გადათხარონ აბანოთუბანი, რომ საკანბალიზაციო სისტემა გაყონ, რატომ არ ეკითხებიან აზრს ძეგლთა დაცვის სააგენტოს? აბანოები ხომ ძეგლთა სტატუსს ატარებენ. გამოსავალი ერთია აგრესულის წყლებისთვის ცაკლე ტარიფი უნდა დაადგინონ "- აღნიშნა ტოტოლაშვილმა.

მისი თქმით, სიმართლეს არ შეესაბამება ექსპერტ ლევან კალანდაძის განცხადება, რომ ,,ჭრელი აბანოები ,,ნაციონალების“ მმართველობის დროს ,,ექსკლუზიური“ ტარიფით სარგებლობდა“.

"წინა ხელისუფლების პერიოდში საკითხს რეალურად უყურებდნენ. ეს არ არის პრივილეგია"- თქვა მან.