ულამაზესი მოდელი ანა ახვლედიანი შეყვარებულია. მისი რჩეული მოცეკვავე ოთო ფოლადაშვილია. მათ ურთიერთობაზე კულუარებში საუბრობდნენ, თუმცა ახლა ყველასთვის ცნობილი გახდა, მას შემდეგ რაც ანამ ჟურნალ „სარკესთან“ ინტერვიუს დროს აღიარა, რომ მისი შეყვარებული ოთო ფოლადაშვილია, რომელიც ძალიან საყვარელია. „შეყვარებული ვარ, მაგრამ გრძნობის ძალიან მეშინია, ამის მიზეზი კი ისაა, არ ვიცი, როდის სად და რამდენი ხნით მომიწევს წასვლა და იმ ადამიანის დატოვება, რომელიც მიყვარს. ყველას თავისი ცხოვრება აქვს და ვერ ვთხოვ, მილანში ჩამომაკითხოს, მინდა, ძალიან შეყვარებული ვიყო, მაგრამ ჩემი რეჟიმი ცოტა მაბრკოლებს... ოთს ერთი წელია ვიცნობ. მეც მასავით გიჟი ვარ. როცა ოთოსთან ვარ, მგონია, რომ ჩემი ადამიანი ვიპოვე, მისით ვსუნთქავ. უბრალოდ მიჩვეული კი არ ვარ, როცა ოთოსთან ვარ, ძალიან კარგად ვარ... ოთო ვალენტინობა დღეს გავიცანი. „მისტერ ვალენტინის“ ფართიზე. დაქალთან ერთად ვიყავი მისული. ტელევიზორს, ფაქტობრივად, არ ვუყურებ და არ ვიცოდი, ვინ იყო. ფართიზე ძალიან მომწყინდა და დაქალს ვუთხარი, წავიდეთ, აღარ მომწონს-მეთქი. მითხრა, ვერსად წავალთ, რადგან აქ ოთო ფოლადაშვილია და უნდა გაიცნოო. გამიკვირდა, ეგ ვინ არის-მეთქი. ამიხსნა, რომ მოცეკვავე იყო და პროექტი „ცეკავავენ ვარსკვლავები“ ჰქონდა მოგებული.

...ოთომ, ჩემს დაქალს ჩააწერინა თავისი ნომერი. უთხრა, ანას ნომერი მომწერეთ ან ხვალ უეჭველად დამირეკოსო. მერე ჩემი ნომრიდან მის ნომერზე ზარებს ვუშვებდი, მაგრამ გამორთული ჰქონდა. როდესაც ჩაირთო, გამოტოვებული ზარები მიუვიდა, ამიტომ მთელი საქართველო აუწრიალებია, ამ გოგოს ნომერი საიდან გავიგოო. ღამე ისევ მივწერე. ასე დაიწყო ჩვენი ურთიერთობა, რომელიც დღემდე გრძელდება…“- ამბობს ანი ახვლედიანი.

წყარო: ჟურნალი სარკე