ხელოვნების სასახლემ "ევროპა ნოსტრას" "განსაკუთრებული აღიარება" მოიპოვა

კულტურა - 11:22, 22 Mar, 2016

3073

თბილისში, კარგარეთელის ქუჩაზე მდებარე ხელოვნების სასახლემ საერთაშორისო ორგანიზაცია "ევროპა ნოსტრას" "განსაკუთრებული აღიარება" მოიპოვა. საახლეს, როგორც ევროპის ტერიტორიაზე ერთ-ერთ საუკეთესო ისტორიულ ძეგლს, ევროკავშირის კულტურული მემკვიდრეობის სპეციალური ჯილდო გადაეცა. „ევროპა ნოსტრას“ დაჯილდოების ცერემონიალი ყოველწლიურად იმართება და იგი ევროკავშირის ქვეყნების კულტურული მემკვიდრეობის დაცვის დარგში უმაღლეს ჯილდოდ ითვლება.
„ევროპა ნოსტრა“ 50 ქვეყნიდან 250 არასამთავრობო ორგანიზაციას, 150 ასოციაციას და 1500-ზე მეტ ინდივიდუალურ წევრს აერთიანებს. ორგანიზაციის მიზანია ევროპის კულტურული მემკვიდრეობისა და ბუნების უნიკალური ძეგლების შენარჩუნება, დაცვა და პოპულარიზაცია.
ევროპა ნოსტრას ყოველწლიური კონკურსი სხვადასხვა ნომინაციებში იმართება.
საქართველოს ხელოვნების სასახლე „რესტავრაცია-კონსერვაციის“ ნომინაციაში იყო წარდენილი. „ევროპა ნოსტრამ“ საქართველოს ხელოვნების სასახლეს ჟიურის სპეციალური ჯილდო მიანიანიჭა.
ხელოვნების სასახლე საქართველოში პირველი სამუზეუმო ორგანიზაციაა, რომელმაც „ევროპა ნოსტრას“ სპეციალური ჯილდო განსაკუთრებული აღიარებისათვის მიიღო.
„ევროპა ნოსტრას“ დაჯილოდოების ცერემონიალი მიმდინარე წლის 24 მაისს, მადრიდში ზარზუელას თეატრში გაიმართება, რომელსაც სპეციალური მიწვევით საქართველოს ხელოვნების სასახლის დელეგაცია დაესწრება.