"სააკაშვილთან ერთად ყურძნის დასაწურად არ წავედი.."- თათარაშვილი მისი დაჭერის მიზეზებზე ალაპარაკდა

საზოგადოება - 14:36, 21 Mar, 2016

6781

თემურ თათარაშვილი კულტურის სამინისტროზე ნაწყენია, მისი თქმით უწყებამ მას საიუბილეო კონცერტის დაფინანსებაზე უარი განუცხადა. აღნიშნულ თემაზე მომღერალი გაზეთ „ასავალ-დასავალთან“ საუბრობს. თათარაშვილის თქმით უწყებას საკონცერტო დარბაზის, აპარატურის და განათების დაფინანსება უნდა უზრუნველეყო, დანარჩენ დაფინანსებას კი დედაქალაქის მერიისგან ელოდა. გიორგაძის უწყებისგან განსხვავებით მომღერალი დავით ნარმანიას მადლიერია.

„კონცერტს ქალაქის მერია აფინანსებდა. კულტურის მინისტრისა და მისი მოადგილეებისაგან განსხვავებით, დავით ნარმანიას საერთოდ არ ვიცნობდი, მაგრამ ჩემს ზარს მაშინვე უპასუხა და მეორე დღესვე შედგა ჩვენი შეხვედრა. მაია ჯაბუას ვარსკვლავის გახსნისას შემთხვევით ჩემს გვერდით აღმოჩნდა და კიდევ ერთხელ დამიდასტურა- თემურ ყველაფერი რიგზეაო. როგორ შეიძლება ეს არ დავინახო და დავაფასო?! არაჩვეულებრივი პიროვნება ყოფილა. ვანო ზოდელავას, ბადრი შოშიტაიშვილის და ნიკო ლეკიშვილის პერიოდი გამახსენდა, როცა ადამიანებად გვთვლიდნენ...

მაინცდამაინც შავი უნდა ვიყო, რომ დამაფინანსონ? ან ჯაზს უნდა ვმღეროდე თუ რა ხდება? საქართველოში სხვამ არ უნდა იმღეროს?“-აცხადებს თათარაშვილი.

მომღერალი გამოცემასთან მისი ციხეში ჩასმის მიზეზებზეც ყვება:

„ყველამ კარგად იცის, რის გამოც დამიჭირეს- სააკაშვილთან და ოლიმპიელებთან ერთად ყურძნის დასაწურად არ წავედი. თურმე პროტოკოლში ვიყავი ჩაწერილი და პრეზიდენთან ხელგადახვეულს ყურძენი უნდა დამეწურა. სამ საატზე რომ არ მივედი იქ, 4 საათისთვის სანაპიროზე გამაჩერეს 2,5 გრამი სუბოტექსი ჩამიდეს და 10 წლით ციხეში ჩამსვეს“- აღნიშნავს მომღერალი.

წყარო „ასავალ-დასავალი“