კამპანია „ეს შენ გეხება, ისევ გვისმენენ“ პრემიერ-მინისტრის პასუხს ელოდება. არასამთავრობო ორგანიზაციებს კვირიკაშვილთან შეხვედრა სურთ. კამპანიის წევრები პირადი ცხოვრების ამსახველი ფარული ვიდეოკადრების ინტერნეტსივრცეში გავრცელების ფაქტის დროულად გამოძიებას და ამ პროცესში საერთაშორისო ექსპერტების ჩართვას ითხოვენ.

მესამე სექტორის განცხადებით, თუ გამოძიება ეფექტური არ იქნება, ისინი კონკრეტული თანამდებობის პირების პასუხისმგებლობის საკითხს დააყენებენ.

„ვითხოვთ ეფექტურ გამოძიებას და დამოუკიდებელი საგამოძიებო ორგანოს შექმნას, ამავდროულად ველით თუ როდის ჩაინიშნება შეხვედრა პრემიერ-მინისტრთან. მსგავსი ტიპის კიბერ-დანაშაულთან ბრძოლის ერთ-ერთი უმნიშვნელოვანესი კომპონენტი არის სწორედ პრევენცია, შესაძებელია გარკვეულწილად ამის თავიდან აცილება, ეს დაკავშირებულია ტექნიკურ სირთულეებთან, მაგრამ ამიტომ მოვუწოდებთ ხელისუფლებას ითანამშრომლოს საზღვარგარეთ შესაბამის სტრუქტურებთან“, - აცხადებენ არასამთავრობო ორგანიზაციები.