ხმაურია ზუგდიდში - მძღოლები გუბერნიის წინ საპროტესტო აქციას მართავენ

საზოგადოება - 13:29, 21 Mar, 2016

1696

ხმაურია ამ წუთებში ზუგდიდში. როგორც „ნიუპოსტის“ ადგილობრივი კორესპოდენტი იტყობინება, გუბერნიის წინ მძღოლები საპროტესტო აქციას მართავენ. აქციის მონაწილეები ადგილობრივ ბაზარზე სატრანსპორტო კომპანია „მეტრო +“-ის გამოჩენას აპროტესტებენ.

სატრანსპორტო პროფკავშირების თავმჯდომარე ხელისუფლების წარმოამდგენლებს, მონოპოლიის ხელშეწყობაში ადანაშაულებს. მისი თქმით, „მეტროს +"-ის შესვლა მმართველი პარტიის წევრების ინტერესებში შედის. ახალი კომპანიის შესვლა კი დანარჩენი მძღოლებისთვის სამუშაო ადგილების ავტომატურად დაკარგვას ნიშნავს.

როგორც მძღოლები აცხდებენ, თუკი ხელისუფლება მათ მოთხოვნებს არ დააკმაყოფილებს, „ისინი უმართავნი გახდებიან.“

როგორც „ნიუპოსტის“ კორესპოდენტი იტყობინება, ხელისუფლებას კონკრეტული პირების ინტერესების დაცვაში ადანაშაულებენ გარემოვაჭრეებიც. როგორც ისინი აცხადებენ, წლებია სავაჭრო ადგილების დასაკანონებლად იბრძვიან, თუმცა უშედეგოდ.

როგორც გარემოვაჭრეები აცხადებენ, მერიამ ბაზრის ნაწილი იჯარით გადასცა კომპანია „ლონდასტეს“, რომელიც ადგილიდან გარემოვაჭრეების გაყვანას გეგმავს და ამ მიზნით, 5კვ. მეტრამდე ტერიტორიაზე კონსტრუქციების დაშლა იგეგმება.