მაკა ასათიანსა და გია გაჩეჩილაძეს შორის სატელეფონო საუბარი შედგა

საზოგადოება - 13:52, 20 Mar, 2016

2674

ტელეკომპანია ,,მაესტროში“ მოდავე მხარეებს შორის მოლაპარაკებები უკვე დაიწყო. ამის მიზეზი ჟურნალისტბის მიერ შემუშავებული 5-პუნქტიანი მოთხოვნა გახდა. მაკა ასათიანის ადვოკატის გიორგი გვენეტაძის განცხადებით, მაკა ასათიანი ბარსელონადან ტელეფონით ესაუბრა გია გაჩეჩილაძეს.

გაჩეჩილაძის ადვოკატი, ირაკლი კორძახიას განმარტებით, გია გაჩეჩილაძე თავის პოზიციას დღის მეორე ნახევარში დააფიქსირებს.

”მაკა ასათიანი ითვალისწინებს ჟურნალისტების თხოვნას, გაეცნო 5 პუნქტიან პირობებს და თვლის, რომ როგორც ადრე, ახლაც უნდა გაუწიოს ანგარიში ჟურნალისტების მოსაზრებებს. ამიტომ დაიწყო კომუნიკაცია რათა გაირკვეს არსებობს თუ არა რაიმე რესურსი, მოლაპარაკების მისაღწევად, ამ დონეზე კომუნიკაცია შედგა. რაც შეეხება სხვა დეტალებს, ვერ მოგახსენებთ, რადგან ამ პროცესის მთავარი პირობა არის ის, რომ საჯარო განცხადებები არ უნდა გაკეთდეს“ - განაცხადა გიორგი გვენეტაძემ.

მოლაპარაკებების დაწყების პროცესს მიესალმება ბაჩო კიკაბიძე. როგორც მან აღნიშნა, ამ პროცესშუ ყველა დაინტეერსებული მხარე უნდა იყოს ჩართული და უნდა გაირკვეს ყველას პოზიცია, ვინ ვის მხარეს დგას.

შეგახსენებთ, რომ მაესტროს ჟურნალისტებმა 5-პუნქტიანი წინადადება შეიმუშავეს, რომელიც, მათი განცხადებით, პროცესების ნორმალიზებას უზრუნველყოფს. ჟურნალისტების ამ პოზიციას მაკა ასათიანმა განცხადებით უპასუხა და მოთხოვნების გასათვალისწინებლად მზადყოფნა გამოთქვა.