თბილისის სახელმწიფო უნივერსიტეტის რექტორის, ვლადიმერ პაპავას განცხადებით მიუხედავად სტუდენტების მხრიდან წამოყენებული ულტიმატუმისა, იგი თანამდებობის დატოვებას არ აპირებს. ამის შესახებ პაპავამ ტელეკომპანია „რუსთავი 2“-ის გადაცემა „არჩევანში“ ჩართვისას გააკეთა კომენტარი:

„გადადგომას ნამდვილად არ ვაპირებ, მე ამის შესახებ რამდენიმეჯერ ვთქვი, მაქვს საკმაოდ სერიოზული ტვირთი, ვიყო ასეთი სერიოზული უნივერსიტეტის რექტორი და ეს ტვირთი უნდა მივიყვანო ბოლომდე, იქედან გამომდინარე რა პასუხისმგებლობაც მაკისრია და დარწმუნებული ვარ, რომ მთლიანად, მთელი საუნივერსიტეტო საზოგადოება, ყველა სტუდენტი, ვინც დღეს არ მიჭერს მხარს, ყველა ერთად შევძლებთ არსებული პრობლემების გადაწყვეტას, სხვა გზა უბრალოდ არ არის“, - განაცხადა პაპავამ.