სსიპ ზურაბ ჟვანიას სახელობის სახელმწიფო ადმინისტრირების სკოლამ 15 მარტს, განაახლა სასწავლო პროცესი - 2016 წლის პირველი ნაკადის მსმენელთათვის.

საჯარო მოსამსახურეები, საქართველოს სხვადასხვა რეგიონებიდან და ქალაქებიდან (მარნეული , წალკა, ლაგოდეხი, გარდაბანი, საგარეჯო, ნინოწმინდა, ცაგერი, ამროლაური, ხარაგაული, ყაზბეგი, დუშეთი, შუახევი) გადამზადებას საჯარო მმართველობისა და ადმინისტრირების პროგრამის შემდეგ დარგობრივ პროგრამებზე გაივლიან:

სახელმწიფო შესყიდვები;
საჯარო ორგანიზაციების მართვა;
საზოგადოებასთან ურთიერთობა და კომუნიკაცია;
ადამიანური რესურსების მართვა და საქმისწარმოება;
ფინანსური მენეჯმენტი და შიდა აუდიტი.

ზურაბ ჟვანიას სახელობის სახელმწიფო ადმინისტრირების სკოლის საქმიანობა მიმართულია იმ პირთა პროფესიულ განვითარებასა და კვალიფიკაციის ამაღლებაზე, ვინც უკვე დასაქმებულია საჯარო სექტორში
ან სურვილი აქვს დასაქმდეს საჯარო ორგანიზაციაში.

ზურაბ ჟვანიას სახელობის სახელმწიფო ადმინისტრირების სკოლაში საჯარო მოხელეთა გადამზადება ხორციელდება ორი პროგრამის ფარგლებში: საჯარო მმართველობა და ადმინისტრირება და სახელმწიფო ენის სწავლების პროგრამა.

სკოლა განსაკუთრებულ ყურადღებას უთმობს ეთნიკური უმცირესობების წარმომადგენლებს და სპეციალური საგანმანათლებლო პროგრამებით ხელს უწყობს მათ სამოქალაქო ინტეგრაციას.