გრიგოლია იხსენებს, რომ მუქარის შემცველი ვიდეოკადრების არსებობის შესახებ 2012 წელს შეიტყო. თუმცა ინფორმაციამ, რომ მასზეც არსებობდა პირადი ხასიათის ჩანაწერები ძალიან აანერვიულა.
"ჩემმა შვილმა დამირეკა და მითხრა, დედა ეხლა გამაგრდი ათჯერ ჩაისუნთქე და მომისმინეო. სიმართლე გითხრათ ძალიან გამიჭირდა, თუმცა მივედი სამსახურში და თემა ღიად გავხსენი. ამოყარონ, გაავრცელონ ამას რამენაირად გადავხარშავ"- თქვა გრიგოლიამ.
მან აღნიშნა, რომ ხელისუფლება დღეს მას ვერ იცავს.
ინტერნეტ სივრცეში პირადი ცხოვრების ამსახველი კადრები გავრცელდა, სადაც ასევე იყო მუქარა, რომ გაავრცელებდნენ ინგა გრიგოლიას პირადი ცხოვრების ამსახველ კადრებსაც, ამ მუქარას ინგა გრიგოლია პირდაპირ ეთერში გამოეხმაურა და განაცხადა, რომ მას შანტაჟით ვერ შეაშინებენ და საკუთარი და სხვისი უფლებების დასაცავად ბოლომდე იბრძოლებს.
მასალის გამოყენების პირობები






