უნივერსიტეტის რექტორი ლადო პაპავა აუდიტორია 115-ის სტუდენტებს და მის მხარდამჭერ პროფესორ-მასწავლებელბს შეხვდა. პაპავას განცხადებით უნივერსიტეტში მიმდინარე პროცესებს და არეულობას გარე ძალები მართავს, თავად ის კი აცნობიერებს პასუხისმგებლობას და გადადგომას არ აპირებს:

"აშკარად ჩანს რომ პროცესები მართულია იმ ძალებისგან, რომელიც საბოლოო ჯამში უნივერსიტეტს მიიყვანს ძალიან სავალალო შედეგებამდე. რექტორი აცნობიერებს ტავის პასუხისმგებლობას. ვაცნობიერებ რას ნიშნავს ვიყო ივანე ჯავახიშვილის სახელობის თბილისის სახელმწიფო უნივერსიტეტის რექტორი, უნივერსიტეტის, რომლის ერთიანობა და მთლიანობაც საფრთხის წინაშე დგას. იქიდან გამომდინარე, რომ რექტორი არის ინსტიტუციურად პირველი პირი, რექტორი გადადგომას არ აპირებს"- განაცხადა ლადო პაპავამ.

შეგახსენებთ თვითმმართველობის მხარდამჭერ სტუდენტთა ნაწილმა უნივერსტეტის რექტორისა და აკადემიური საბჭოს აპარატის სამუშაო სივრცე დაიკავა, სადაც ამ დროისთვისაც იმყოფებიან. თსუ-ს ადმინისტრაციის პრესსამსახურის განცხადებით, ამ ფაქტზე უკვე მიმართეს პოლიციას.