მამუკა ღლონტი შპს ტლეკომპანია მაესტროს ხელმძღვანელებსა და მენეჯმენტს შეხვდა. გადაწყდა, რომ ღლონტი კონსულტანტის ფუნქციებს შეითავსებს. მაესტროს ერთ-ერთი დამფუძნებელი მზად არის ანაზღაურების გარეშე იმუშაოს.

ჟურნალისტებთან საუბრისას ღლონტმა გაჩეჩილაძის ქმედებებიც შეაფას. მისი თქმით ის ფაქტი, რომ პოლიტიკოსს ტელევიზიის ხელში ჩაგდება სურს, ეჭვებს ბადებს.

„ეს იქნება მხოლოდ კონსულტაციები, ისიც საზოგადოებრივ საწყისებზე, მე შტატში არ ვიქნები და ხელფასს არ ავიღებ. მე უფლება არ მაქვს ჩემს მეგობრებს, რომლებიც მედიისთვის იბრძვიან, გვერდში არ დავუდგე, მე ვიქნები კონსულტანტი. არაფერი არ დაირღვევა, არსებობს ლიცენზია, არსებობს შენობა, რომელიც არის ქალბატონი მაკა ასათიანის საკუთრება, არსებობს ტექნიკა, რომელიც ასევე არის ქალბატონი მაკას საკუთრება და ვნახოთ თანამშრომლები წამოვლენ თუ არა. ჩემი მთავარი რჩევა არის პირველ ეტაპზე, შენარჩუნებული იქნას ყველაფერი ის, რითაც ძვირფასია მაესტრო, ეს არის მაესტროში მომუშავე ჟურნალისტების დამოუკიდებლობა და თავისუფლება“, - განაცხადა მამუკა ღლონტმა.