,,საქმიანი დილა“ და ,,ბიზნესკონტაქტი“ შპს მაესტროსთან თანამშრომლობას წყვეტს

,,საქმიანი დილა“ და ,,ბიზნესკონტაქტი“ შპს მაესტროსთან თანამშრომლობას წყვეტს - შემოქმედებითი ჯგუფის განცხადება

საზოგადოება - 15:29, 14 Mar, 2016

2466

განცხადებას აკეთებს მაესტროს ბიზნესგადაცემების შემოქმედებით ჯგუფი, რომელმაც რამდენჯერმე უკვე დააფიქსირა თავისი მოსაზრებები "მაესტრო"-ში განვითარებულ მოვლენებზე. როგორც ,,ნიუპოსტს" “საქმიანი დილა და ბიზნესკონტაქტი”-ს შემოქმედებითმა ჯგუფმა აცნობა, ისინი წყვეტენ თანამშრომლობას შპს “სტუდია მაესტრო”-სთან. ,,ვაცხადებთ, რომ მომავალში ურთიერთობას ტელეპროდუქციის წარმოებაზე გააგრძელებს მხოლოდ კონტრაქტის საფუძველზე" - ნათქვამია შემოქმედებითი ჯგუფის განცხადებაში.

“ჩვენ ვიცავდით და მომავალშიც დავიცავთ პარტნიორულ ურთიერთობებს. ეს ურთიერთობები ყოველთვის ემყარებოდა საქმიან პარიტეტს, რაც თავისთავად ნიშნავს არსებული კანონმდებლობის უცილობელ დაცვას და პარტნიორული ურთიერთობების პატივისცემას. ჩვენი შემოქმედებითი ჯგუფი სრულ პასუხისგებლობას იღებს "მაესტრო"-ს ეთერში ჩვენს მიერ ნაწარმოებ პროდუქციაზე და მის შინაარსზე, რომელიც ყველა საერთაშორისო თუ ადგილობრივი არასამთავრობო, ბიზნეს საზოგადობის მხრიდან აღიარებული როგორც ყველაზე მაღალ პროფესიული და დაბალანსებული სატელევიზიო პროდუქტი. ასე იყო თითქმის ბოლო ორი წლის მანძილზე "მაესტრო"-ზე და ასე იქნება მომავალშიც. იქნება ჩვენი პასუხისგებლობით და ერთიანობით. გუნდი, კიდევ არაერთ სატელევიზიო პროდუქტს შესთავაზებს მაყურებელს! მანამდე კი ვადასტურებთ ჩვენს ერთიან პოზიციას და გპირდებით, რომ საქმიანი დილიდან გვიან საღამომდე ვრჩებით ერთმანეთთან ბიზნესკონტაქტზე!"- ნათქვამია განცხადებაში.

შემოქმედებითი ჯგუფის განცხადებით, ამ მონაცემებით შპს. "სტუდია მაესტროდან" წასვლის შესახებ განცხადება დაწერეს: ფინანსურმა (მათ შორის ბუღალტერიამ, რომელიც პირველი აპრილიდან მიდის), მარკეტინგის და გახმოვანების სამსახურებმა; იურიდიულმა დეპარტამენტმა; გადაცემებმა: "SWOT ანალიზი"; "საქმიანი დილა; "ბიზნეს კონტაქტი", "1 წუთი".