დღეს დაუნის სინდრომის მსოფლიო დღისადმი მიძღვნილი კვირეული საზეიმოდ გაიხსნება

საზოგადოება - 12:34, 13 Mar, 2016

2388

კავშირი „ჩვენი ბავშვები“ 21 მარტს წელს მეხუთედ აღნიშნავს დაუნის სინდრომის მსოფლიო დღეს საერთაშორისო ორგანიზაცია Down Syndrome International-თან პარტნიორობით.

ამ დღისადმი მიძღვნილი კვირეული ოფიციალურად დღეს, 14:00 საათზე საგამოფენო ცენტრ „ექსპო ჯორჯია“ს, მე-6 პავილიონში საზეიმოდ გაიხსნება. წარმოდგენილი იქნება ფოტო გამოფენა „ჩემი მეგობარი“ - 25 თანამედროვე პროფესიონალი ფოტოგრაფის მიერ გადაღებული დაუნის სინდრომის მქონე ადამიანთა პორტრეტები.

ფოტო პროექტში ჩართულები არიან გურამ წიბახაშვილი, გოგა ჩანადირი, .თამარ ჯიბუტი, ნინო ბაიდაური, დარო სულაკაური, მარი ნაკანი და სხვა ფოტოგრაფები.

კვირეულის ფარგლებში ასევე იგეგმება:

15 მარტი, 18:00 _ დისკუსია თემაზე „დაუნის სინდრომის მქონე ადამიანთა გამოწვევები დღევანდელ საქართველოში“. ვაკის მედიათეკა, ვაკის პარკი

18 მარტი, 11:00 _ კონფერენცია „დაუნის სინდრომის მქონე ადამიანთა გამოწვევები დღევანდელ საქართველოში“. იუსტიციის სასწავლო ცენტრი, სანდრო ეულის 3ა

19 მარტი, 18:00 _ პერფომანსი - „მეგობART”. დ.შევარდნაძის ეროვნული გალერეა

21 მარტი, 12:00 _ მსვლელობა ვაკის პარკი-დან თსუ პირველი კორპუსამდე

21 მარტი, 19:00 _ სპექტაკლი „პატარა უფლისწული“. მოძრაობის თეატრი, მუშტაედის ბაღი