მთავრობის კანცელარიასთან საპროტესტო აქცია გაიმართა სახელწოდებით „სექსი არ არის დანაშაული“. აქციის გამართვის მიზეზი პირადი ცხოვრების ამსახველი ფარული ვიდეოკადრების გავრცელბაა.

„ჩვენ მივიჩნევთ, რომ აღნიშნული კადრების გავრცელება უკავშირდება საქართველოს უსაფრთხოების სამსახურის საქმიანობას. შესაბამისად, როგორც პოლიტიკური, ასევე, სამართლებრივი პასუხისმგებლობა კადრების გავრცელებასთან დაკავშირებით მოქმედ ხელისუფლებას ეკისრება, მიუხედავად იმისა, თუ როდის მოხდა ჩანაწერების გაკეთება. ჩვენ აღარ ვაპირებთ მოვითმინოთ ადამიანების პირადი ცხოვრებით მანიპულირება, აღარ ვაპირებთ მოვითმინოთ სპეკულაციები და შანტაჟი!”- აცხადებენ აქციის ორგანიზატორები.

აქცია საქართველოს „ქალთა მოძრაობის“ ორგანიზებით ჩატარდა.