ჟურნალისტი ირაკლი ტაბლიაშვილი ინტერნეტსივრცეში პირადი ცხოვრების ამსახველი ვიდეოკადრების გავრცელების ფაქტს ეხმაურება:

"სამი წელი გავიდა მას შემდეგ, რაც ბ-ნმა ღარიბაშვილმა პირადად, ჟურნალისტების თანდასწრებით, ჩაყარა რაღაც აპარატში რაღაც CD - დისკები და გვამცნო, რომ ყველაფერი განადგურებულია... მერე მოხდა შემდეგი - ვინმე ხვედელიძემ, რომელიც შს მინისტრის მოადგილე იყო, პირადი ცხოვრების რაღაც კადრები საიდანღაც გამოიტანა და მის წინააღმდეგ მებრძოლ ჟურნალისტს აუტვირთა... ატყდა ამბავი, ეს როგორ გააკეთა მაღალჩინოსანმაო... და ეს მაღალჩინოსანი დაისაჯა (ისემც მაგ დასჯას რა ვუთხარი, კიდევ 4-5 თვე სარგებლობდა სახელმწიფო მანქანით, მაგრამ ეს ახლა მეორეხარისხოვანია)... მოკლედ, ლამის ყველამ დაიფიცა, არათუ ახალ ჩანაწერებს არ ვაკეთებთ, რასაც ვნახულობთ, იმასაც კი ვანადგურებთო... თუმცა, პერიოდულად, ახალი ჩანაწერებიც ჩნდებოდა და ძველებიც... მერე ამბობდნენ, არქივის ნაწილი გატანილიაო. აი, ახლა კი ყველა ზღვარს გადააჭარბა ყველამ! ვისი ჩაწერილიც არ უნდა იყოს ეს კადრები და ვისი გავრცელებულიც არ უნდა იყოს, პასუხისმგებელი არის მხოლოდ ხელისუფლება... და ცხადია, ვგულისხმობ პოლიტიკურ პასუხისმგებლობას. სს პასუხისმგებლობა კი ჩამწერ-გამავრცელებელ და დამვალებლებს უნდა დაეკისროთ... ხელისუფლებაა პასუხისმგებელი თუ მის ხელში ეს კადრები იყო და არ გაანადგურა (ანუ, თუ ძველი ხელისუფლების დროსაა ეს ჩაწერილი, რაც, ცხადია, ასე არაა) და ხელისუფლებაა პასუხისმგებელი, თუ ეს ჩანაწერები ახალია. წერტილი!,"-წერს ირაკლი ტაბლიაშვილი.