ზემო ფონიჭალაში მომხდარი დედა-შვილი სასტიკი მკვლელობის მოტივი ამ დრომდე უცნობია. მეზობლები ამ დრომდე შოკირებული არიან და მომხდარის დეტალებს იხსენებენ.

ერთ-ერთი ქალბატონი გადაცემა ,,პროფილში" ჰყვება, რომ მათ გარდაცვლილის სახლიდან კვამლი შენიშნეს და სახლში შესვლას და დედა-შვილის გადარჩენას შეეცადნენ, თუმცა როგორც მეზობელი ჰყვება ის საშინელი სურათი დახვდათ. ,,ჩემი შვილი შევუშვი, ვყვიროდი ნონა და ბავშვი გადაერჩინა. ჩემმა ბიჭმა ნონას ხელი მოკიდა მკლავებში და რომ გამჰოყავდა მაშინ ვნახე, რომ სისხლი მოჰყვებოდა“ - იხსენებს მეზობელი.

ე.წ. არაშენდას მესამე კორპუსში 35 წლის ნონა რომანაძეს ყელი გამოჭრეს, მისი სამი წლის ქალიშვილი კი დაწვეს.

თავდაპირველად გავრცელდა ინფორმაცია, რომ შემზარავი მკვლელობა ძარცვას უკავშირდებოდა. მედიაში დასახელდა კონკრეტული რაოდენობის თანხა. თუმცა ეს ფაქტი სამართალდამცავთა უწყებამ არ დაადასტურა.