ტელეკომპანია „მაესტროს“ ახალი გენერალური დირექტორი, ლევან გაჩეჩილაძე „მაესტროს“ გაკოტრების საქმის შეწყვეტას მოითხოვს. გაჩეჩილაძე სასამართლოს, სავარაუდოდ, დღეს მიმართავას.

ლევან გაჩეჩილაძის განმარტებით მისი თანაშემწე, დღეს ტელეკომპანია „მაესტროს“ ფინანსურ დირექტორს შეხვდება. „მაესტროს“ ახალ გენერალურ დირექტორს მისი თანაშემწის ვინაობა არ დაუკონკრეტებია.

„ძალიან ინტენსიური მუშაობა მიდის გაკოტრებიდან საქმის გმოტანაზე, ინტენსიური მუშაობა მიდის გაკოტრების მეურვესთან, მიმდინარე ხარჯებზე და ასე შემდეგ, დღეს მსურს, რომ თემურ გაჩეჩილაძეს გავაცნო ჩემი ფინანსური თანაშემწე, რომელთანაც დაიწყება საბუთების გადაბარება.

განიხილება ყველა შენობა, მათ შორის მე-9 არხის შენობაც, რა დააშავა მეცხრე არხმა? ეს ფორმატი არის კარგი გაგებით, შებოჭილი კონტრაქტით, აქედან გამომდინარე ამ ფორმატის გაუმჯობესებაზეა საუბარი“, - განაცხადა ლევან გაჩეჩილაძემ.

მაკა ასათიანის ადვოკატის განცხადებით, აღნიშნული ცვლილებების გასატარებლად, გაჩეჩილაძეს კრედიტორთა საბჭოს ერთსულოვანი თანხმობა სჭირდება:

„თუ ბატონი ლევანი აპირებს მიმართოს სასამართლოს და მოითხოვოს გადახდის უუნარობის საქმის წარმოების შეწყვეტა, ეს საჭიროებს პარტნიორთა კრების თანხმობას. მთელი ამ ხნის განმავლობაში ისინი აფიქსირებდნენ პოზიციას, რომ აუცილებელი იყო ყველა პარტნიორის თანხმობა, გადახდის უუნარობის საქმის წამოწყებისას. შესაბისად, მისი შეწყვეტაც საჭიროებს 100 პროცენტიან თანხმობას. კატეგორიულად შემიძლია განვაცხადო, რომ ეს იქნება ძალიან ცუდი შედეგის მომტანი მაესტროსთვის. კომპანია ვალების მომსახურებას ვერ შეძლებს და შესაძლოა მართლაც მოხდეს მაუწყებლობის შეწყვეტა“, - აცხადებს გიორგი გვენეტაძე.