"არ მინდა, კარიერა დავასრულო" - მარია შარაპოვამ დოპინგ-ტესტი ვერ გაიარა

სპორტი - 10:37, 08 Mar, 2016

6389

რუსმა ჩოგბურთელმა მარია შარაპოვამ აღიარა, რომ იანვარში ავსტრალიაში დიდი სლემის ტურნირზე დოპინგ-ტესტი ვერ გაიარა. ლოს-ანჯელესში გამართულ საგანგებო პრესკონფერენციაზე შარაპოვამ განაცხადა, რომ 10 წლის განმავლობაში მედიკამენტ მილდრონატს იღებდა, რომელიც მას ოჯახის ექიმმა გამოუწერა. მილდრონატი, იგივე მილდრონიუმი, აკრძალული მედიკამენტების სიაში მხოლოდ 2016 წლიდან შეიყვანეს. სწორედ ამის გამო დოპინგ-ტესტმა დადებითი შედეგი აჩვენა. საქმის გარემოებების გარკვევამდე შარაპოვა 12 მარტამდე შეჯიბრს ჩამოაშორეს.

“ 10 წლის განმავლობაში აღნიშნული მედიკამენტი მსოფლიო ანტიდოპინგური სააგენტოს აკრძალულ სიაში არ ყოფილა, თუმცა 1 იანვრიდან წესები შეიცვალა. ცვლილებების შესახებ ელექტრონული წერილი მსოფლიო ანტიდოპინგური სააგენტოსგან 22 დეკემებერს მივიღე, თუმცა ბმული არ გავხსენი და მე დიდი შეცდომა დავუშვი. მე ვუღალატე თაყვანისმცემლებსა და სპორტს. არ ვიცი, რა შედეგები მემუქრება, თუმცა არ მინდა, ჩემი კარიერა ამგვარად დავასრულო” - განაცხადა სპორტსმენმა პრესკონფერენციაზე.

ჩოგბურთელის განცხადების შემდეგ სპორტული ტანსაცმლის მწარმოებელმა კომპანია Nike-მა მარია შარაპოვასთან ხელშეკრულება შეაჩერა. კომპანიის წარმომადგენლის თქმით, ისინი გამოძიების დასრულებას დაელოდებიან.