1-3 მარტს საქართველოში ტემპერატურა 18-26 გრადუსამდე აიწევს

1-3 მარტს საქართველოში ტემპერატურა 18-26 გრადუსამდე აიწევს - ამინდის პროგნოზი

საზოგადოება - 19:25, 27 Feb, 2016

9335

ჰაერის ტემპერატურის მატებას პროგნოზირებენ სინოპოტიკოსები მარტის დასაწყისიდან. როგორც ,,ნიუპოსტს“ გარემოს ეროვნული სააგენტოს გრძელვადიანი პროგნოზების ცენტრში განუცხადეს, საქართველოს მთელ ტერიტორიაზე ტემპერატურის მატება 29 თებერვლიდან დაიწყება. 1-3 მარტს საქართველოს უმეტეს რეგიონებში უნალექო ამინდები იქნება, შესაძლებელია აღმოსავლეთ საქართველოში დღისით ნისლი, დასავლეთ საქართველოში კი ტემპერატურა 26 გრადუსამდე აიწევს.

რაც შეეხება დეტალურ პროგნოზს: 29 თებერვალს აღმოსავლეთ საქართველოში ჰაერის ტემპერატურა იქნება 16-20 გრადუსი. მთაში -2+3, მაღალ მთაში კი -5-10 გრადუსამდე დაეცემა.

დასავლეთ საქართველოში ჰაერის ტემპერატურა მოიმატებს და 20 გრადუსი იქნება.

რაც შეეხება 1-3 მარტს, დასავლეთ საქართველოში ქარია მოსალოდნელი, რიგ რეგიონებში ძლიერი 20-25 მეტრი წამში.

აღმოსავლე საქართველოს ბარში ტემპერატურა 13-18 გრადუსი იქნება, მთაში ყინვები შენარჩუნდება და -15-20 გრადუსამდე მიაღწევს.

უნალექო ამინდებია მოსალოდნელი 3 მარტის ჩათვლით დედაქალაქში. ხვალ ჰაერის ტემპერატურა 18 გრადუსი იქნება, 1-2 მარტს 15 გრადუსამდე გათბება, ხოლო 3 მარტს ისევ 18 გრადუსამდე აიწევს.