"ყველაზე კარგი მინისტრი იყო მერაბიშვილი...15 ათასი $ მაქვს გუკას პლანის მოწევაში გადახდილი"- რჩეულიშვილი

საზოგადოება - 16:39, 27 Feb, 2016

18493

ვახტანგ რჩეულიშვილის შეფასებით ყველაზე კარგი შინაგან საქმეთა მინისტრი ვანო მერაბიშვილი იყო. აღნიშნული განცხადება მან გადაცემა „პოლიტიკაშში“ მარიხუანის დეკრიმინალიზაციის თემაზე საუბრისას გააკეთა. რჩეულიშვილის თქმით საზოგადოებამ უნდა აირჩიოს როგორ ქვეყანაში უნდა ცხოვრება, მკაცრი მინისტრის ხელში დანაშაულიც ნაკლები ხდება და საქმეც მალე იხსნება, დემოკრატიულ ქვეყნებს კი პირველ ეტაპზე უჭირთ დანაშაულთან გამკლავება:

„მის დროს მანქანაც ღია იყო ქუჩაში, არავინ შემოგივარდებოდა და თავს არ გადაგიტეხავდა. დანაშაულის გახსნა სიმკაცრეში უფრო ადვილია, დემოკრატიულ ქვეყნებს პირველი პერიოდი უფრო უჭირთ. რატო გამახსენდა მერაბიშვილი... 15 ათასი დოლარი მაქვს გუკას პლანის მოწევაში გადახდილი, ერთხელ დაიჭირეს, ორჯერ დაიჭირეს და მერე უკვე 15 ათასი, პირდაპირ მერაბიშვილის სანქციით დამადეს.“- განაცხადა რჩეულიშვილმა.

დარბაზიდან რეპლიკაზე რომ მერაბიშვილის დროს ნარკოტიკების ჩადება ხდებოდა და ამ თემის განხილვის დროს მერაბიშვილი არც უნდა ეხსენებინა, რჩეულიშვილმა განაცხადა, რომ ის რას ილაპარაკებს არავის ეკითხება:

„ჩადება კომუნისტების დროს იყო, მთელი ჩემი ახალგაზრდობა ეგრე იყო. თქვენ შეგეკითხოთ ახლა, არ მეყოფა ამდენი საზოგადოებრივი ინსტანცია?! რაშიც მაგარი იყო... გაბედავდა პეტრიაშვილის ეგრე დაჭრას ქუჩაში ვინმე და იმ ქალების და ბავშვების დაწვას?“- აღნიშნა რჩეულიშვილმა.

მისი თქმით დეკრიმინალიზების შემთხვევაში ისიც სიამოვნებით მოწევდა მარიხუანას:

„მეც დიდი სიამოვნებით მოვწევდი, ჩემნაირი ხალხი ამერიკაში გათავისუფლებულია ყველანაირი პასუხისმგებლობისაგან“