"ბავშვმა მითხრა ესე მიშვებოდა მასწავლებელიო... კოცნიდა, ხელებს ხვევდა"- სკანდალი იმერეთის ერთ-ერთ სკოლაში

საზოგადოება - 15:47, 27 Feb, 2016

36971

ადგილობრივების განცხადებით 54 წლის ფიზკულტურის მასწავლებელი სექსუალურ ძალადობას 6, 12 და 14 წლის გოგონებზე ახორციელებდა. არასრულწლოვნების მშობლების განცხადებით, მათთვის აქამდე ძლადობის ფაქტების შესახებ ინფორმაცია უცნობი იყო. როგორც ისინი აღნიშნავენ, ეს ამბავი მას შემდეგ გახმაურდა, რაც სკოლის ადმინისტრაციამ პედაგოგის ბავშვების მიმართ დამოკიდებულება საეჭვოდ მიიჩნია. კერძოდ ფიზკულტურის გაკვეთილის მიმდინარეობის დროს სპორტულ დარბაზში მოსწავლე დაშავდა, მასწავლებელი კი ადგილზე არ აღმოჩნდა, როგორც გაირკვა ის ერთ-ერთ მოსწავლე გოგონასთან ერთად სხვა ოთახში იყო განმარტოებული.

„ბავშვმა მითხრა ესე მიშვებოდა მასწავლებელი, შევყავდი ოთახშიო, კოცნიდა, ხელებს ხვევდა... ბავშვი როდესაც გამოყავდა აფრთხილებდა და აშინებდა“ - აცხადებს ერთ-ერთი გოგონას მშობელი.

მშობლები სამართალდამცავების მხრიდან დროულ რეაგირებას და დამნაშავის სასჯას ითხოვენ.

სკოლის დირექტორის თქმით, აღნიშნულ ფაქტთან დაკავშირებით საქმის კურსშია ჩაყენებული, როგორც ადგილობრივი საგანმანათლებლო რესურს-ცენტრი ასევე სამართალდამცავი ორგანოებიც.

შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 141-ე მუხლის მიხედვით მიმდინარეობს, რაც გარყვნილ ქმედებას გულისხმობს.