„არა პანორამა თბილისს"- დღეს პუშკინის სკვერში, 16:00 საათზე საპროტესტო აქცია გაიმართება

საზოგადოება - 11:04, 27 Feb, 2016

1664

სამოქალაქო მოძრაობა „ერთად" დღეს, თავისუფლების მოედანზე, საპროტესტო აქციას - „არა პანორამა თბილისს" გამართავს. აქცია სოციალური ქსელის მეშვეობით დაიგეგმა და იგი პუშკინის სკვერში, 16:00 საათზე დაიწყება. ორგანიზატორები საზოგადოებას აქციაზე დასწრებისკენ მოუწოდებენ:

"პანორამა-თბილისის" პროექტი ჯერ დამტკიცებული არ არის, თუმცა ნგრევითი სამუშაოები დაწყებულია. მშენებლობის ნებართვის ასაღებად დარჩა ერთი ინსტანცია - ეკონომიკის სამინისტრო! სამინისტროში დოკუმენტაცია უკვე შეიტანეს!

ამ მასშტაბის პროექტს უნდა დაუპირისპირდეს შესაბამისი მასშტაბის საზოგადოებრივი პროტესტი!

ვისაც ძველი თბილისის მნიშვნელობის ახსნა არ გჭირდებათ, ვინც არა ერთხელ მდგარხართ გუდიაშვილზე, იმელთან, მირზა შაფზე, ვაკის პარკში, საყდრისში.... ვინც თვლით, რომ ეს ქალაქი თქვენია, ვისაც გაქვთ სურვილი თბილისისთვის რამე გააკეთოთ, ვინც ეს შანსი ადრე ვერ გამოიყენეთ.. ვინც ფიქრობთ, რომ ხელისუფლება საზოგადოებასთან ანგარიშვალდებულია....

ვინც ფიქრობთ, რომ ბრძოლას ყოველთვის აქვს აზრი.. ვინც იცით, რომ "ხვალ" უკვე გვიან იქნება...

- შაბათს, 31 იანვარს, 15 საათზე მოდით, თავისუფლების მოედანზე, საკრებულოსთან და დავანახოთ ყველას, რომ ჩვენ ვართ ქალაქი!!!

ვისაც გცალიათ მოდით! ვინც დაკავებულები ხართ მეგობრებს თხოვეთ მოსვლა!

აქცია დაიწყება საკრებულოსთან და დასრულდება ...“- აღნიშნულია აქციის ორგანიზატორების მიმართვაში.