ციურიხში ამჟამად FIFA-ს რიგგარეშე კონგრესი მიმდინარეობს. დღეს უნდა გადაწყდეს, ვინ გაუძღვება ამ ორგანიზაციას, რომელიც ბოლო პერიოდში არაერთ კორუფციულ სკანდალში გაეხვია, მომდევნო რამოდენიმე წლის განმავლობაში.

არჩევნებამდე, ხმების 89% კონგრესმა დაამყტკიცა ორგანიზაციის რეფორმების პაკეტი, რომელიც შემდეგ ძირითად პუნქტებს მოიცავს:

* FIFA-ს საბჭოს ჩამოყალიბება, რომლის შემადგენლობაც 36 წევრი, მათ შორის 6 ქალი იქნება.

* FIFA-ს გენერალური სამდივნოს ჩამოყალიბება, ორგანიზაციის საქმისწარმოების ხელმძღვანელობის მიზნით.

* პრეზიდენტის პოსტზე ერთი ადამიანი არ შეიძლება 12 წელზე (სამი საარჩევნო ვადა) მეტი ხნით იყოს არჩეული.

* FIFA-ს საქმიანობის შემოწმება დამოუკიდებელი აუდიტორული კომპანიისა და წესებისა და რეგულაციების დაცვის კომიტეტის მიერ.

* FIFA-ს კომიტეტის რიცხვის შემცირება 26-დან 9-მდე.

ორგანიზაციის რეზიდენტობაზე ამჯამად 5 კანდიდატია დაყენებული - იორდანიის პრინცი ალი ალ ჰუსეინი, შეიხი სალმან ბინ იბრაჰიმ ალ ჰალიფა (ბაჰრეინი), ჯერომ შამპეინი (საფრანგეთი), ჯანი ინფანტინო (უეფას გენერალური მდივანი) და ტოკიო სექსვეილი (სამხრეთ აფრიკა).

ფარულ კენჭისყრაში 207 დელეგატი მიიღებს მონაწილეობას. პირველ ტურში გამარჯვებისათვის აუცილებელია 138 ხმის მიღება, ხოლო მეორეში, სადაც პირველ ორ ადგილზე გასული კანდიდატი მიიღებს მონაწილეობას - 104.