საბჭოთა წარსულის კვლევის ლაბორატორია 1921 წლის თებერვალში თბილისის დაცვისას დაღუპული სტუდენტის ისტორიას და მის ოჯახში დაცულ ფოტოსურათს ფეისბუკზე აქვეყნებს:

„სტუდენტი კოტიკო (კონსტანტინე) კვიცარიძე, 1921 წლის თებერვალში, თბილისის დაცვისას დაიღუპა ფრონტზე.

ქუთაისიდან ჩამოსულმა ბიძამ ვეღარ შეძლო მისი გადასვენება და ვერის სასაფლაოზე დაკრძალა.

1930-იან წლებში, ქალაქის საბჭოთა ხელისუფლებამ სასაფლაო გააუქმა და მის ადგილას სერგეი კიროვის სახელობის პარკი მოაწყო.

ყოველი წლის თებერვალს, ოჯახის წევრები ჩამოდიოდნენ ხოლმე თბილისში, ჩუმად დადგებოდნენ ყოფილი საფლავის სიახლოვეს მონიშნულ ხესთან და იმავე დღეს ბრუნდებოდნენ ქუთაისში...“