საქართველოს კალათბურთელთა ეროვნულ ნაკრებს ახალი მწვრთნელი ჰყავს

სპორტი - 20:48, 18 Feb, 2016

3296

საქართველოს კალათბურთელთა ეროვნულ ნაკრებს ბერძენი სპეციალისტი ილიას ზუროსი გაწვრთნის. ინფორმაციას საქართველოს კალათბურთის ფედერაცია აქვეყნებს.
ზუროსმა კალათბურთის ეროვნულ ფედერაციასთან კონტრაქტი დღეს გააფორმა.
ფედერაციის მხრიდან კონტრაქტს ხელი პრეზიდენტმა მიხეილ გაბრიჩიძემ მოაწერა.
ხელშეკრულება 1+1 წლიანია და 2017 წლის ევრობასკეტზე საქართელოს ნაკრების გასვლის შემთხვევაში ის ავტომატურად გახანგრძლივდება.
ილიას ზუროსი საკმაოდ დიდი სამწვრთნელო გამოცდილებისა და ტიტულების მქონე სპეციალისტია. ის საბერძნეთის ეროვნულ ნაკრებსა და რამდენიმე წამყვან ევროპულ კლუბს თავკაცობდა.
ილიას ზუროსი ქართული სპორტული მას-მედიის წარმომადგენლებს ხვალ, დაგეგმილ პრეს-კონფერენციაზე შეხვდება.
ვინ გაწვრთნის საქართველოს კალათბურთელთა ეროვნულ ნაკრებს:
ილიას ზუროსის სამწვრთნელო კარიერა 2002 წელს იწყება:
2000-2002 ოლიმპიაკოსი (საბერძნეთი), 2003-2004 საგესი (ლიბანი), 2004-2005 პერისტერი (საბერძნეთი), 2005-2006 არისი (საბერძნეთი), 2006-2007 პარიზ-ლევალი (საფრანგეთი), 2007-2010 პანელინიოსი (საბერძნეთი), 2011 ჟალგირისი (ლიტვა), 2011-2012 საბერძნეთის ეროვნული ნაკრები 2012 ეფესი (თურქეთი), 2013 ჟალგირისი (ლიტვა), 2014-2015 თოფაში (თურქეთი)
მიღწევები და ტიტულები
ლიბანის ჩემპიონი (2004), ფიბა-აზიის ჩემპიონთა თასის მფლობელი (2004), ევროთასის სეზონის საუკეთესო მწვრთნელი (2010), ლიტვის თასის მფლობელი (2011) ბალტიის ლიგის ჩემპიონი (2011) ლიტვის ჩემპიონი (2011).