მცირემიწიან ფერმერთა ხელშეწყობის პროექტი - ოზურგეთის მოსახლეობა სასოფლო-სამეურნეო ხვნის ბარათებს მიიღებს

საზოგადოება - 15:07, 18 Feb, 2016

1703

,,მცირემიწიან ფერმერთა 2016 წლის საგაზაფხულო სამუშაოების ხელშეწყობის პროექტის’’ -ფარგლებში ქალაქ ოზურგეთის მუნიციპალიტეტის მოსახლეობა სასოფლო-სამეურნეო ხვნის ბარათებს მიიღებს. ბარათების მოკითხვა შესაძლებელია ქალაქ ოზურგეთის მუნიციპალიტეტის მერიის ადმინისტრაციულ შენობაში, მესამე სართულზე. საკონტაქტო პირი: ავთო ჩხაიძე. ტელ: 595 42 36 68

აღნიშნული პროგრამის ბენეფიციარები არიან:

• ფერმერები, რომელთა საკუთრებაში ან ფაქტობრივ მფლობელობაში არსებული ერთწლიანი კულტურებისთვის განკუთვნილი სახნავი მიწის ჯამური ფართობი არ აღემატება 1,25 ჰა-ს.

• ფერმერები, რომლებსაც არ გააჩნიათ ერთწლიანი კულტურებისთვის განკუთვნილი სახნავი მიწის ნაკვეთი და აქვთ მრავალწლიანი კულტურებით გაშენებული მიწის ნაკვეთ(ებ)ი, რომელთა ფართობების ჯამი არ აღემატება 1,25 ჰა-ს.

• ამავე დროს, ფერმერთა საკუთრებაში ან ფაქტობრივ მფლობელობაში არსებული სახნავი და მრავალწლიანი ნარგავებით გაშენებული მიწის ნაკვეთების ჯამური ფართობი არ უნდა აღემატებოდეს 5 ჰა-ს.

• პროექტის ფარგლებში მოსარგებლეები მიიღებენ სუბსიდიას სასოფლო-სამეურნეო (ხვნის) ბარათის ან ‘’აგრო ბარათზე’’ დარიცხული ქულების სახით.